Straitéis Chonsalachta 2019-2022

Cuidíonn an Roinn Gnóthaí Eachtracha agus Trádála leis na mílte saoránach Éireannach a bhíonn i gcruachás thar lear gach bliain trí Chabhair Chonsalachta. Tá líon na nÉireannach a thaistealaíonn, a oibríonn agus atá ina gcónaí thar lear níos airde anois ná mar a bhí sé riamh agus tá éileamh níos mó ar chabhair chonsalachta dá bharr. Téitear i ngleic le treochtaí taistil atá ag teacht chun cinn, agus déantar ár n-acmhainní a ailíniú leis na treochtaí sin agus leis an éileamh níos mó ar Chabhair Chonsalachta sa Straitéis seo.

Forbraíodh an Straitéis seo le cuspóirí soiléire agus uaillmhianacha a leagan amach don Roinn ionas go mbeifear in ann an tseirbhís a chuireann sí ar fáil do shaoránaigh Éireannacha agus iad i gcruachás thar lear a fheabhsú. Sonraítear fís d’fhorbairt na cabhrach consalachta thar thréimhse ceithre bliana sa straitéis agus ní dhírítear ar chabhair amháin inti ach ar bhealaí ina féidir saoránaigh a spreagadh le cur chuige níos sábháilte a ghlacadh i dtaca le taisteal.

Íoslódáil: Straitéis Chonsalachta 2019-2022