Forbhreathnú

Déanfaimid ár ndícheall an chomhairle taistil is déanaí a thabhairt duit i nGaeilge, ach mar gheall go bhféadfadh athrú an-tapa teacht ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil i nGaeilge go hiomlán cothrom le dáta.  Lena chinntiú go bhfaighidh tú an chomhairle is déanaí, go háirithe maidir le stádas slándála, féach an leagan Béarla chomh maith, nó déan teagmháil díreach linn.

Forbhreathnú

Stádas Slándála

Gnáth-réamhchúraim

An Fógra Taistil is Déanaí

Táthar ag súil go mbeidh tionchar ag Hairicín Lee ar an Muir Chairib an deireadh seachtaine seo, agus í ag dul ó thuaidh de Phórtó Ríce. Cé nach bhfuiltear ag súil go dtiocfaidh an stoirm i dtír ar an oileán is féidir gaotha arda agus báisteach throm a bheith ann, lena n-áirítear suaill mhór farraige a d'fhéadfadh a bheith ina chúis le bristeacha contúirteacha agus coinníollacha sruth cuilitheála ag an gcladach.

Ba cheart do shaoránaigh monatóireacht a dhéanamh i gcónaí ar nuashonruithe aimsire áitiúla agus idirnáisiúnta don réigiún trí rochtain a fháil ar Chainéal na hAimsire, nó ar shuíomh gréasáin Ionad Hairicíní Idirnáisiúnta de chuid SAM.

Comhairle Ghinearálta maidir le Taisteal

Is críoch de chuid na Stát Aontaithe é Pórtó Ríce. Teastaíonn ESTAnó víosa ó shaoránaigh na hÉireann chun dul isteach sna Stáit Aontaithe.

Roimh thaisteal, is féidir iarratas ESTA (Córas Leictreonach um Údarú Taistil) a dhéanamh chun incháilitheacht na gcuairteoirí chun taisteal chuig na Stáit Aontaithe faoin gClár Tarscaoilte Víosaí (VWP) a chinneadh.

Teastaíonn pas bailí chun taisteal chuig na Stáit Aontaithe. Ní féidir paschártaí a úsáid. Tá comhaontú ag Éirinn le SAM a ligeann duit dul isteach ar phas reatha suas go dtí an dáta éaga – mar sin de, ní mór go mbeadh do phas Éireannach bailí ar feadh thréimhse d’fhanachta sna Stáit Aontaithe.

Moltar do chuairteoirí chuig Pórtó Ríce treoir na n-údarás náisiúnta agus áitiúil a leanúint agus a choimeád ar an eolas maidir leis an méid atá ag tarlú trí monatóireacht a dhéanamh ar an nuacht áitiúil agus na meáin shóisialta.

Is féidir le saoránaigh an Ambasáid a leanúint ar na meáin shóisialta chun rochtain ar nuashonruithe agus foláirimh ábhartha a chinntiú.

Tarlaíonn séasúr na hairicíní ó mhí Iúil go mí na Samhna go hiondúil sa Mhuir Chairib. Ba cheart duit an-aird a thabhairt ar thuairiscí aimsire áitiúla agus idirnáisiúnta chomh maith le comhairle a leanúint ó na húdaráis áitiúla. Déan monatóireacht i gcónaí ar nuashonruithe aimsire áitiúla agus idirnáisiúnta don réigiún trí rochtain a fháil ar Chainéal na hAimsire, nó ar shuíomh gréasáin Ionad Hairicíní Idirnáisiúnta de chuid SAM.

Ba cheart do shaoránaigh a bhfuil sé ar intinn acu a bheith sa réigiún atá buailte le linn na tréimhse seo machnamh a dhéanamh ar an ngá le taisteal bunaithe ar eolas maidir le réamh-mheastacháin ar adhaimsir. 

Cúnamh Éigeandála

Is minic a bhíonn an chabhair is fearr in aice láimhe, mar sin má bhíonn fadhbanna agat, bain triail as labhairt leis na teagmhálacha áitiúla, le tionscnóir do thurais nó le bainistíocht an óstáin ina bhfuil tú ag fanacht.

Is féidir leat teagmháil a dhéanamh leis na seirbhísí éigeandála i bPórtó Ríce ach scairt a chur ar 911. I measc na n-uimhreacha éigeandála ar leith tá:

• Na Póilíní: 911
• An Bhriogáid Dóiteáin: 911
• An tOtharcharr: 911

Ár gCuid Leideanna le hAghaidh Taisteal Sábháilte:

• Molaimid go láidir duit árachas taistil cuimsitheach a cheannach a chumhdóidh na gníomhaíochtaí ar fad atá pleanáilte agat.
• Cláraigh do chuid sonraí linn ionas go mbeimid in ann teagmháil a dhéanamh leat i gcás éigeandála, amhail tubaiste nádúrtha nó éigeandáil teaghlaigh.
• Lean muid ar Twitter @dfatravelwise do na nuashonruithe taistil is déanaí.
• Léigh ár dtreoir ‘Eolas Roimh Thaisteal Duit’.

Is críoch de chuid na Stát Aontaithe é Pórtó Ríce. Is féidir leat teagmháil a dhéanamh le hAmbasáid na hÉireann in Washington DC​, má theastaíonn cúnamh uait.