Sábháilteacht agus Slándáil

Tá cúrsaí polaitíochta seasmhach, agus, ar bhonn ginearálta, ní hann d’aon mhórbhuairt slándála agus tá ráta íseal coiriúlachta ann.

Moltar do chuairteoirí iad féin a choinneáil ar an eolas maidir lena mbíonn ag tarlú trí mhonatóireacht a dhéanamh ar na meáin áitiúla agus trí fhanacht i dteagmháil lena n-óstán nó lena dtionscnóir turas.

Moltar do shaoránaigh de chuid na hÉireann tionscnóirí turas iontaofa a úsáid agus iad ag taisteal ar Oileáin Fharó. Ná húsáid tionscnóirí neamhcheadúnaithe nó chuirfeadh sé seo i mbaol mór thú dá rachadh aon rud ar strae. Tá na hacmhainní cuardaigh agus tarrthála teoranta agus d’fhéadfadh sé go gcuirfí bille chuig cuairteoirí as aon tarrtháil ba ghá a dhéanamh.

Is féidir níos mó sonraí a fháil ar an taisteal sábháilte ar Oileáin Fharó anseo: Taisteal Sábháilte, Tabhair Cuairt ar Oileáin Fharó.

Dlíthe agus Gnásanna Áitiúla

Cuimhnigh, baineann na dlíthe áitiúla le cuairteoirí agus moltar cloí leo.

Bí tuisceanach ar ghnásanna, traidisiúin agus cleachtais áitiúla, nó d’fhéadfadh sé go gceapfaí iompar áirithe a bheith míchuí, naimhdeach nó go fiú mídhleathach.

De ghnáth, tarlaíonn séasúr bliantúil na seilge míolta móra “Grindadráp” ar na hOileáin Fharó i míonna an tsamhraidh idir mí Meithimh agus mí Mheán Fómhair. Tá tarraingt mhór ag an imeacht seo ar agóideoirí agus beidh láithreacht sábháilteachta mhéadaithe ann le linn na tréimhse seo. D’fhéadfaí aon duine a d’fhéadfadh a bheith mar bhall de ghníomhartha contúirteacha a ghabhadh, lena n-áirítear don saol agus/nó do mhaoin.

Sláinte

Féadann cuairteoirí a éiríonn tinn agus iad ag taisteal ar Oileáin Fharó cóir leighis a fháil faoin chóras áitiúil sláinte. I gcás tinneas nó gortú tromchúiseach, áfach, d’fhéadfadh sé gur ghá cuairteoirí a aslonnú chun na Danmhairge nó na hÍoslainne lena gcóireáil.

Ba cheart do chuairteoirí a chinntiú go mbíonn soláthar dóthanach d’aon chógas a bheadh de dhíth orthu acu agus iad ag taisteal nó d’fhéadfadh sé nárbh fhéidir iad seo a cheannach go háitiúil. Bíodh a fhios ag cuairteoirí, mar gheall ar dhálaí aimsire athraitheacha, go bhféadfadh sé go gcuirfí eitiltí ar ceal ó am go chéile agus gur ghá fanacht ar Oileáin Fharó níos faide ná mar a bhí beartaithe.

Ós rud é nach baill den AE iad Oileáin Fharó, ní chlúdaíonn an Cárta Eorpach um Árachas Sláinte an limistéar sin.

Eolas Breise

Árachas Taistil

Ní fhéadann an Roinn íoc as aisdúichiú éigeandála leighis, aisdúichiú coirp nó aon chostas a bhainfeadh le héigeandáil phearsanta agus tú thar lear. Moltar do shaoránaigh polasaí árachais taistil oiriúnach a cheannach, faoina gclúdófaí na costais seo, ar acht nár briseadh na téarmaí agus coinníollacha a bhaineann leis.

Trí árachas taistil cuimsitheach a cheannach, féadann cuairteoirí cuid mhór airgid a shábháil dóibh féin má théann rud éigin amú. Cinnteoidh sé seo freisin go bhfaighidh siad an chóir leighis a theastaíonn nuair a bhíonn sí ag teastáil. Is féidir na mílte Euro de bhillí ospidéil a charnadh go furasta, agus d’fhéadfadh sé go gcosnófaí aslonnú leighis na mílte eile.

Ní hionann gach polasaí, agus d’fhéadfadh cúis a bheith ann go bhfuil an ceann is saoire ar an gceann is saoire. Moltar do shaoránaigh de chuid na hÉireann a chinntiú go gclúdaíonn a bpolasaí na gníomhaíochtaí ar fad atá beartaithe acu dá dturas. Molann Insurance Ireland polasaí a fhorálann íoschlúdach leighis de €1 mhilliún.

Costais éigeandála

Ba cheart go gcumhdódh do pholasaí:

• Gach cúram leighis thar lear, lena n-áirítear aslonnú in aerárthach othar, nó gnáthaimh éigeandála eile, agus aon chostas eile a bhaineann le tréimhse fanachta níos faide nach raibh aon súil leis.
• Do thuras ar fad, ó imeacht go dtí filleadh. Smaoinigh ar pholasaí ilbhliantúil turais má tá níos mó ná turas amháin á dhéanamh agat sa bhliain.   
• Seirbhís agus cúnamh éigeandála 24-uair an chloig.
• Cumhdach dliteanais phearsanta (i gcás go ndéanfar tú a agairt mar gheall ar ghortú nó damáiste a dhéanamh do mhaoin).
• Sealúchais a cailleadh agus a goideadh.
• Cealú agus ciorrú.
• Aon ghníomhaíocht bhreise atá beartaithe agat atá eisiata ó pholasaithe caighdeánacha (m.sh. gníomhaíochtaí spóirt uisce ar nós scairdsciála nó spóirt ghuaisbheartaíochta eile).

Eisiaimh: Bíodh a fhios ag cuairteoirí nach gcumhdóidh formhór na bpolasaithe árachais teagmhais a bhaineann le deoch nó le drugaí.

Airgeadra

Is é krone na Danmhairge airgeadra Oileáin Fharó. Ní úsáidtear an t-airgead tirim chomh minic céanna agus a úsáidtear in Éirinn é, ach tá sé éasca Uathmheaisíní Bainc a aimsiú. Baintear úsáid as cártaí creidmheasa agus dochair go minic d’íocaíochtaí, cé gur féidir go dtabhódh cártaí eachtracha formhuirear.