Iarratas céaduaire ar phas do dhaoine fásta
1. Forléargas
2. Conas iarratas a dhéanamh ar líne
3. Iarratasóirí céaduaire a rugadh thar lear
6. Nuair nach féidir iarratas ar líne a dhéanamh
7. Déan iarratas ar líne anois;
Forléargas
Is féidir le saoránaigh Éireannacha atá 18 mbliana d'aois agus níos sine iarratas a dhéanamh ar líne ar a gcéad phas Éireannach má tá cónaí orthu:
- In Éirinn, i dTuaisceart Éireann agus sa Bhreatain Mhór.
- An Eoraip
- Stáit Aontaithe Mheiriceá
- Go leor tíortha eile - léigh an liosta iomlán anseo
Mura bhfuil do thír chónaithe san áireamh sna liostaí thuas, déan teagmháil le d’Ambasáid nó Consalacht na hÉireann áitiúil chun sonraí a fháil faoi conas iarratas a dhéanamh.
Tá pasanna do dhaoine fásta bailí ar feadh 10 mbliana. Má eisíodh do phas deireanach níos mó ná 15 bliana ó shin, ní mór duit iarratas a dhéanamh mar iarratasóir céaduaire.
Cineálacha eile iarratas
Tá treoir ar leith ann má tá pas duine fásta á athnuachan agat. Is féidir leat athnuachan a dhéanamh ar líne ó áit ar bith ar domhan .
Féadfaidh tú iarratas a dhéanamh ar chárta pas chomh maith le do leabhar pas nuair a dhéanann tú iarratas ar líne.
Conas iarratas a dhéanamh ar líne
Chun iarratas a dhéanamh ag baint úsáid as Pas Ar Líne, beidh na nithe seo a leanas ag teastáil uait:
- grianghraf digiteach atá ag teacht le treoirlínte na ngrianghraf
- cárta creidmheasa nó dochair
- seoladh ríomhphoist
- rochtain ar phrintéir
Glacann an t-iarratas ar líne thart ar 10 nóiméad le comhlánú.
Conas treoirlínte na ngrianghraf a chomhlíonadh
Doiciméid a theastaíonn uait
Inseoidh an t-iarratas ar líne duit na doiciméid is gá duit a chur isteach tar éis duit iarratas a dhéanamh.Is féidir leat ár dtreoir a léamh freisin maidir leis na doiciméid is gá duit a chur isteach más rud é gur:
- iarratasóir céaduaire a rugadh ar oileán na hÉireann thú
- iarratasóir céaduaire a rugadh thar lear thú
Aitheantas á dheimhniú
Mar iarratasóir céaduaire fásta, ní mór do bhall den Gharda Síochána in Éirinn nó finné iomchuí lasmuigh den Stát d'aitheantas a fhíorú.
Mar chuid den iarratas ar líne, iarrfar ort foirm maidir le haitheantas a fhíorú a phriontáil a inseoidh duit cén cineál finné atá inghlactha.
Iarratasóirí céaduaire a rugadh thar lear
Seiceáil na doiciméid is gá duit a chur isteach más iarratasóir fásta céaduaire tú a rugadh thar lear.
An costas atá air
Braitheann costas do phas ar an mbealach a ndéanann tú iarratas air agus ar an gcineál pas a roghnaíonn tú, mar shampla caighdeánach nó ceann mór.
Nuair a dhéanann tú iarratas ag baint úsáid as Pas Ar Líne:
- pas caighdeánach 10 mbliana do dhuine fásta: €75
- pas mór (66 leathanach) 10 mbliana: €105
- pas caighdeánach 10 mbliana móide beart cárta pas: €100
Nuair a dhéanann tú iarratas ar líne, tá táille bhreise poist €15 ann má tá cónaí ort lasmuigh d'Éirinn.
Léigh liosta iomlán na dtáillí pas.
An méid ama a thógann sé
Seiceáil na hamanna eisiúna reathachun an fhaisnéis is déanaí a fháil.
An tseirbhís rianaigh do Phas
Is féidir leat stádas d'iarratais ar líne a sheiceáil tríd an tseirbhís rianaigh do phas.
Nuair nach féidir iarratas ar líne a dhéanamh
Is é Pas Ar Líne an bealach is tapúla chun iarratas a dhéanamh ar phas. Mura bhfuil Pas Ar Líne ar fáil d'iarratais chéaduaire sa tír ina bhfuil tú i do chónaí, déan teagmháil le do Chonsalacht nó Ambasáid na hÉireann áitiúil chun faisnéis a fháil faoi conas foirm pháipéir a fháil agus conas í a chur isteach.
Ní féidir foirmeacha iarratais a íoslódáil.
Iarratais ar pháipéar:
Má tá tú i do chónaí in Éirinn, i dTuaisceart Éireann nó sa Bhreatain Mhór agus mura mian leat iarratas a dhéanamh ar líne, is féidir leat iarratas a dhéanamh trí fhoirm phas ar pháipéar a úsáid.
In Éirinn, i dTuaisceart Éireann agus sa Bhreatain Mhór, cuirtear iarratais ar pháipéar isteach trí sheirbhís na bPasanna Luais.
Déan iarratas ar líne anois
Tosaigh d'iarratas ar líne
Téigh i dteagmháil linn
Léigh tuilleadh faoi conas teagmháil a dhéanamh le Seirbhís na bPasanna nó féach tuilleadh treorach maidir le d'iarratas a dhéanamh ar ár mol faisnéise.