An Bord Bainistíochta
Is fóram comhairle agus cinnteoireachta é an Bord Bainistíochta, fóram a thugann tacaíocht don Ard-Rúnaí i mbainistíocht na Roinne. Téann an tArd-Rúnaí, Joe Hackett, sa chathaoir don Bhord, agus is iad na daoine atá mar bhaill ann ná an bheirt Leas-Ard-Rúnaithe, gach Rúnaí Cúnta atá lonnaithe in Éirinn, ionadaí an ghréasáin misin ag leibhéal an Rúnaí Cúnta agus oifigeach ag grád an Chomhairleora.
Tugann an Bord cúnamh don Ard-Rúnaí i gceapadh agus i mbainistíocht beartas agus clár chomh maith le forbairt agus feidhmíocht fheabhsaithe na heagraíochta. Déanann an Bord cinntí maidir le dáiltí laistigh den Roinn chomh maith, sa bhaile agus thar lear, seachas cinntí a dhéanamh ag leibhéil an Rúnaí Cúnta agus ag leibhéil Cheann an Mhisin.
Buaileann an Bord le chéile gach coicís, nó níos minice de réir mar is gá. Freastalaíonn oifigigh Roinne eile ar chruinnithe an Bhoird Bainistíochta go tréimhsiúil chun faisnéis a thabhairt agus páirt a ghlacadh i gcomhráite agus i bhforbairtí na huaire i réimsí freagrachta dá gcuid.
Buaileann an Bord Bainistíochta go tréimhsiúil, freisin, leis an Aire Gnóthaí Eachtracha agus Airí Stáit na Roinne chun ceisteanna beartais agus bainistíochta straitéiseacha a phlé.
Is iad seo a leanas baill reatha an Bhoird:
- An tUas. Joe Hackett, Ard-Rúnaí
- An tUas. John Conlan, Leas-Ard-Rúnaí, Príomhoifigeach Oibriúcháin agus Príomhoifigeach Airgeadais
- An tUas. Sonja Hyland, Leas-Ard-Rúnaí (Ceisteanna Domhanda) agus Stiúrthóir Polaitiúil, an Rannóg Pholaitiúil
- An tUas. Maeve von Heynitz, Ambasadóir na hÉireann do Mheicsiceo
- An tUas. Michael Gaffey, Ard-Stiúrthóir, Rannóg an Chomhoibrithe Forbartha agus na hAfraice
- An tUas. Maeve Collins, Ard-Stiúrthóir (Gníomhach), Rannóg an Aontais Eorpaigh
- An tUas. John Concannon, Ard-Stiúrthóir, Rannóg Éire Dhomhanda
- An tUas. Síle Maguire, Ard-Stiúrthóir, an Rannóg Acmhainní Daonna
- An tUas. Ruairí de Búrca, Ard-Stiúrthóir, Rannóg na hÉireann, na Ríochta Aontaithe agus Chríocha Mheiriceá
- An tUas. Paul Kavanagh, Ceann Prótacail, an Rannóg Prótacail
- An tUas. Emer Rocke, Stiúrthóir, an tAonad Straitéise, Rialachais agus Athraithe
- An tUas. Fiona Penollar, Ard-Stiúrthóir, an Rannóg um Sheirbhísí Saoránach
- An tUas. Declan Smyth, Comhairleoir Dlí, an Rannóg Dlí