Socruithe saoire oibre

Ceadaíonn socruithe saoire oibre atá ag Éirinn le rialtais eile do dhaoine óga ón dá thír fad a chur lena saoire agus sin a mhaoiniú trí obair shealadach.

Saoránaigh na hÉireann

Más saoránach na hÉireann tú agus más mian leat dul ar saoire oibre go tír a bhfuil comhaontú againn leo, caithfidh tú iarratas ar údarú a dhéanamh leis an tír sin agus a chinntiú go gcomhlíonann tú critéir na tíre.

Saoránaigh nach saoránaigh na hÉireann iad

Más mian leat obair a dhéanamh i rith do shaoire in Éirinn, caithfidh tú iarratas a dhéanamh ar Údarú Saoire Oibre (USO) ón Ambasáid/Consalacht de chuid na hÉireann is gaire duit, nó ó eagraíocht ábhartha.

Coimeádann an Roinn Gnóthaí Eachtracha agus Trádála agus ár n-ionadaithe agus ár ngníomhairí, an ceart chucu chun tuilleadh doiciméadúchán a lorg agus/nó diúltú d’aon iarratas ar Údarú Saoire Oibre (USO).

Maoiniú dóthanach

Caithfidh tú go leor airgid a bheith agat chun tú féin a chothabháil don chéad chuid de do shaoire ar a laghad ar fhaitíos nach bhfaigheann tú obair. Féadfaidh oifigigh inimirce cruthúnas a lorg go bhfuil maoiniú do dhóthain agat ar shroicheadh Éire duit.

Árachas liachta

Moltar go láidir duit árachas liachta príobháideach a fháil chun aon chostais a chlúdach sa chás go mbeadh timpiste agat nó go n-éireofá breoite agus tú in Éirinn.

Obair a fháil

Tá an margadh d’obair ócáideach ghearrthéarma in Éirinn an-iomaíoch agus tá soláthar leordhóthanach aige ón líon mór den lucht fágála scoile agus náisiúnaigh Éireannacha agus AE atá ar thóir oibre. Ní hionann do USO a fháil agus ráthaíocht go bhfaighidh tú obair.

Rialúcháin inimirce

Fiú má bhíonn USO agat tá tú fós faoi réir gnáthrialúchán inimirce ar shroicheadh Éire duit. Mar náisiúnach neamh-AE caithfidh tú clárú le Biúró Náisiúnta an Gharda Síochána um Inimirce. Tá táille €150 ar eisiúint chárta clárúcháin an Gharda Síochána (póilíní).  

Conas iarratas a dhéanamh