An bhfógra go mbeidh Inis Ceithleann i mbun Chruinniú Mullaigh an G8 i mí an Mheithimh 2013

Chuir an Tánaiste agus an tAire Gnóthaí Eachtracha agus Trádála, Éamon Gilmore T.D., fáilte roimh an bhfógra inniu a rinne an Príomh-Aire David Cameron go mbeidh an chéad Chruinniú Mullaigh G8 eile ar siúl in Inis Ceithleann, i gContae Fhear Manach.

Dúirt an Tánaiste:

“Ba mhaith liom teacht leis an gCéad-Aire agus leis an gCéadLeas-Aire a chuir fáilte roimh an bhfógra seo mar vóta muiníne soiléir i dTuaisceart Éireann.”  

“Beidh an G8 ar an gcruinniú daonlathach idirnáisiúnta is mó a bheidh ar siúl i dTuaisceart Éireann.   Tagann sé sna sála ar Chomhairle Aireachta an OSCE (an Eagraíocht um Shlándáil agus Chomhoibriú san Eoraip) i mBaile Átha Cliath an 6-7 Nollaig, an cruinniú aonair is mó d’Airí Eachtracha a bhí ar bun in Éirinn, agus a bheidh ar bun i gcomhthráth lenár nUachtaránacht ar an AE sa chéad chuid den chéad bhliain eile.  Cuidíonn gach ceann de na himeachtaí seo chun bonn taca a chur faoin dul chun cinn a rinneadh ar an oileán seo ó cuireadh Comhaontú Aoine an Chéasta i gcrích agus cuidíonn siad chun an t-oileán ar fad a chur chun cinn go hidirnáisiúnta.”