Iarrann an Tánaiste go gcuirfí deireadh leis an bhforéigean in Gaza

Cháin an Tánaiste agus an tAire Gnóthaí Eachtracha agus Trádála, Éamon Gilmore, T.D., an foréigean atá imithe in olcas i ndeisceart Iosrael agus Gaza ina bhfuil saol saoránach Iosraelach agus Palaistíneach á chur i mbaol.  Dúirt an Tánaiste:

“Mar gheall ar an mbabhta foréigin seo le déanaí anuas, a tharla de bharr ionsaithe leanúnacha roicéid ar bhailte in Iosrael agus a chuaigh in olcas nuair a maraíodh ceannaire sinsearach de chuid Hamas, d’fhéadfaí tuilleadh saoránach Iosraelach agus Palaistíneach nach bhfuil aon bhaint acu leis an scéal a mharú agus iad a bheith ag fulaingt dá mbarr.  Is maith is léir dúinn ar fad an baol a bhaineann le tuilleadh foréigin ar aon taobh. Spreagaim an dá thaobh deireadh a chur láithreach leis na hionsaithe agus fáil réidh leis an mbagairt a dhéanann siad ar shaol agus ar shábháilteacht daoine soineanta nach bhfuil aon bhaint acu leis an scéal.